Agur!

Lau urtez, magisteritza eskolan egon gara eta azkenean, prozesu hau amaitzear dagoela dirudi. Horregatik lagunok, blog honen azken sarrerari ekiten diogu. Urte zoriontsuak izan direla aitortuz, inoiz ahaztuko ez ditugunak. Esperientzia ahaztezinak bizi izan ditugu eta ezagutu dugun jendea ez dugu inoiz ahaztuko.

Azkenik, eskerrak eman nahi dizkiogu irakasle taldeari, prozesuan zehar  laguntza eskaintzen egoteagatik eta egin duten esfortzuagatik. Hezkuntza prozesu aberastu egin digutelako eta gure ikuspegia lantzen lagundu digutelako. Azken finean gu kontuan hartu gaituztelako.

Mila esker guztioi, zuei esker bidea ahaztezina izan da!

https://drive.google.com/file/d/0B2o3ddl_zOyscXhUMDZ4UGtsejQ/view?usp=sharing
 

Dokumentazioa

DOKUMENTAZIOA:

Kunarteko irteeraz hitz egiten egon ginen gelan eta ondorioz dokumentazioaren inguruan hitz egiten amaitu genuen. Alde batetik irakasleak zihoena zegoen eta bestalde ikasle batzuk ziotena.

Irakaslearen esanetan dokumentatzea beharrezkoa da joaten garen edozein tokitan gertatu dena eta ikasi dugun hura nonbaiten gordeta izatearren. Taldearen izenean pentsatzen dugu hori ondo dagoela eta oso aberasgarria dela etorkizunean birgogoratu ahal izateko.

Bestalde beste egoera bat topatu genuen, guk irteerak edota edozein hitzaldi izan dugunetan zuzenean eskatu digute hura dokumentatzeko ondoren lan bat egin behar dugulako. Horregatik kunartera irteera egin genuenean lanik egin behar ez zela jakitean mobilak alde batera utzi genituen eta bertan gertatzen zen guztiaz zuzenean disfrutatzeko aukera izan genuen.

Hizketaldi honek aratago hausnartzeko eman digu. Orain arte ohitu gaituzte irteeretaz disfrutatu ordez jarraian lan bat egin behar izatearen ondorioz apunteak etengabe hartzen egon behar izatera. Bestalde lanik egin behar ez dela jakitean zuzenean beste modu batera hartzen ditugu irteerak, disfrutatzeko eta ondo pasatzeko helburuarekin. Baina horrela egitean ikusitakoaren inguruan ez dugu argazkirik izaten eta denborarekin ahazten zaigu.

                Ondorioz, dokumentazioaren garrantziaz ohartu gara. Etorkizunean bizitakoa birgogoratzeko aukera ematen digulako eta ondorioz txikitatik bultzatu beharko litzatekeen zerbait dela pentsatzen dugu, lan gutxiago eta burutzen ditugun ekintzetaz disfrutatzeko aukera emanez.

Portfolioa!!!

PORTFOLIOA

KunArte

Kaixo guztio:

KUNARTE:

Duela gutxi, Kunartera egin genuen irteera interesgarriaren inguruan hitz egingo dizuegu. Denbora pasa da azken irteera interesgarri bat burutu genuenetik, eta oraingoan Gasteizko Abetxuko auzoan dagoen kunartera joan ginen.

Bertan, Kiribil antzerki taldeko zuzendariarekin hizketaldi bat izateko aukera izan genuen, beraiek egiten zutenaren inguruan eta jarraian ikusi behar genuenaren inguruan hitz egin genuen.

Beheko pisuan antzerkia ikusi genuen, ikasleez gain haur hezkuntzako haur batzuk ere egon ziren eta honek are eta interesgarriagoa bihurtu zuen antzerkia, hauen erreakzioak behatzeko aukera izan genuelako.

Antzerkia amaitzean zuzendariak aktoreei egindako zuzenketak entzun eta galderak egiteko aukera izan genuen. Oso interesgarria izan zen zuzenketak entzuteko aukera izatea, honetatik asko ikasteko aukera baitago.

Amaitzeko, erlaxazio eta dramatizazio ariketak egin genituen, honekin lotsak alde batera utzi eta barruan genuena kanporatzeko aukera izanik.

Taldearentzako oso esperientzia aberasgarria izan zen, azken finean gure antzezlanerako oso lagungarria delako profesionalekin zuzenean hitz egin eta ikasteko aukera izatea.

Sarrera berri honetan, KunArteko taldearekin batera egin genuen jarduera edo tailerraren inguruko hainbat argazki azalduko dizkizuegu.

Oso egun berezia eta horrekin batera erabilgarria izan zen guretzat. Alde batetik, talde honen lana egiteko modua ikusi ahal izan genuen eta haietaz asko ikasi. Beste alde batetik, dramatizatzeko aukera izan genuen, honako jarduera hauekin, lotsa kentzeko edota gure irudime lantzeko ariketak eginez.

LAN MODULARRA ETA GIDOI DRAMATIKOA

LAN MODULARRA

GIDOI DRAMATIKOA

Azpi atal honetan, lan modularraren inguruko dokumentuak link-en bidez igo ditugu. Batik bat, lehen fasearen entrega eta gidoi dramatikoa.

MUSIKA: LEHOIA ETA SAGUA

LEHOIA ETA SAGUA

Lehoia eta saguaren inguruko ipuina dramatizatuko dugu musikako klasean.

 

bideoak! 

Praktikaldia- espazio proposamena

Gaurkoan, praktikaldian egindako esku-hartze bati buruz hitz egin dugu. Haurrek esperimentazio bitartez ikasteko helburuarekin instalazio bat prestatu nien. Bertan, argazkian ikusten den bezala esferak zeuden; material, kolore eta tamaina ezberdinekoak. Bestalde, prisma zirkularrak (batzuk tapadunak, besta batzuk taparik gabe eta azkenak ez tapa eta ez oinarri gabe) ere zeuden  eta hauek ere material, kolore eta tamaina ezberdinekoak zirelarik. Formari helduz, instalazioak forma zirkularra izan zuen eta lanpara baten argi goxoz eta musika lasaiaz lagunduta egon zen (haurrak lasai egoteko helburuarekin).

Haurrei prestatutako gelara heltzean irribarre bat atera zitzaien, intriga handia zuten zer gertatuko zenaren inguruan edota egin beharrekoaren inguruan. Instalazioan libreki ibili ziren, eta egia esan oso ondo pasatu zuten.

Niretzako oso positiboa izan zen nik prestatutako zerbaitekin hain ondo pasatzen zutela ikustean eta pentsatuta bezain ondo irten zela ikustean.

Hausnarketari helduz, esan dezaket praktikaldi honetan hezitzaile moduan asko ikasteaz gain pertsona moduan ere asko ikasteko aukera izan  dudala. Oso aberasgarria izan da niretzako horrelako lan talde batean lan egitea. Tokia ere esan behar dut oso gogoko dudala, eskola eta herri txikia izanik haurrak kanpora irteteko aukera zabala dute eta honek edozein jarduerak askoz ere aberasgarriagoak bihurtzen ditu. Ingurunearekin esperimentatzeko aukera oso zabala izateaz gain, ikasten ari diren hori errealitatearekin lotzeko aukera zuzena izatean ikasketa prozesua asko errazten du.

Ondorioz alde guztietatik begiratuta pertsonalki niretzako oso esperientzia aberasgarria izan da.